El Crac del 29 foi la más devastadora cayida del mercáu de valores na hestoria de la Bolsa n'Estaos Xuníos, tomando en considerancia l'algame global y la llarga duración de les sos remortines y que dio llugar a la Crisis de 1929 tamién conocida como La Gran Depresión. Suélense usar les siguientes trés frases pa describir este derrumbe de les aiciones: Xueves Negru, Llunes Negru y Martes Negru. Toes elles son apoderaes, yá que el crac nun foi un fechu d'un solu día. La cayida inicial asocedió'l Xueves Negru (24 d'ochobre de 1929), pero foi'l catastróficu deterioru del Llunes Negru y el Martes Negru (28 y 29 d'ochobre de 1929) el que bastió la espansión de la llerza y l'empiezu de consecuencies ensin precedentes y de llargu plazu pa los Estaos Xuníos.
Les cayíes siguieron mientres un mes. Los economistes ya historiadores nun tán d'alcuerdu en qué rol desempeñó'l crac nos eventos económicos, sociales y políticos posteriores. En Norteamérica, el crac coincidió col empiezu de la Gran Depresión, un periodu de cayente económicu nes naciones industrializaes, y llevó al establecimientu de reformes financieres y nueves regulaciones que se convirtieron nun puntu de referencia. La crisis del 29 foi, probablemente, la mayor crisis económica a la que s'enfrentó'l intervencionismu como sistema y que foi motiváu pola manipulación de la ufierta monetaria, per parte de la reserva federal dempués de ser privatizada pol presidente Woodrow Wilson en 1913/1914 y empezar a estremase del patrón oro.
Nel momentu del crac, la ciudá de Nueva York creciera hasta convertise na mayor metrópolis d'Estaos Xuníos y nel so distritu de Wall Street yeren munchos los que creyeron que'l mercáu podía sostener niveles altos de preciu. Poco antes, Irving Fisher proclamara: "Los precios de les aiciones algamaron lo que paez ser un pandu altu permanente".[1] La euforia y les ganancies financieres del gran enclín de mercáu fueron feches cachos el Xueves Negru, cuando'l valor de les aiciones na Bolsa de Nueva York esbarrumbóse. Los precios de les aiciones cayeron esi día y siguieron cayendo a una tasa ensin precedentes mientres un mes enteru. 100 000 trabayadores estauxunidenses perdieron el so emplegu nun periodu de tres díes.[2]
Nos díes previos al Xueves Negru, el mercáu taba severamente inestable una y bones non supieron remanase acorde los negocios asina que la bolsa cayó por cuenta de la inesperiencia de dalgunos.[ensin referencies] Periodos de venta y altos volumes de negociación yeren entrepolaos con curtios periodos d'aumentu de precios y recuperación.
Más tarde, l'economista Jude Wanniski rellacionó estes oscilaciones cola perspeutiva pola puesta a valir de la Llei de Tarifes Smoot-Hawley, que taba siendo aldericada nel Congresu.[3]
Tres el crac, el Permediu Industrial Dow Jones (DJIA) nun se recuperó hasta entamos de 1930, pero solu pa recular nuevamente, algamando'l 8 de xunetu de 1932 el so nivel más baxu dende 1800,[4] y nun retornó a niveles previos a 1929 hasta 1954,[5]
Cualesquier que mercó aiciones a mediaos de 1929 y caltener vio la mayor parte de la so vida adulta pasar antes de poder recuperase.